love shayari love poetry love rhymes

0
281
love shayari
love shayari
love shayari
Ek Shehar hai mere yaaro ka,
Yaha har koi deewana hai,
Yaha har koi parwana hai,
Lamhe jiye jaate hai yaha,
Lamhe piye jaate hai yaha,
Jitne fasle hai ek duje se,
Utni hi nazdikiyan bhi,
Har ek ki apni duniya jarur hai,
Magar wo duniya ek duje se juda nahi,
Har din ek naya din hai yaha,
Har din ek nayi chunauti hai yaha,
Log izzat dikhate nahi,
Izzat karte hai yaha,
Pal me rootey hai yaha,
Pal me hastey hai waha,
Befikar mauj me rahte hai sabhi,
Baat dilo ki kahte hai sabhi,
Yun toh bahut kuch unkaha bhi hai yaha,
Magar ankhon se toh bayan kar hi dete hai,
Dastan-e-takleef aur dastan-e-mohabbat,
Aur ek khasiyat hai iss shehar ki,
Khanna yaha beshumaar hai,
Log khaate aur khilate hai dil khol kar,
Khoobsurati rooh me dikhti hai yaha,
Musafir aate hai iss shehar me,
Aur tham jaate hai yaha,
Yaha ke ** kar reh jaate hai,
Aur jab aata hai waqt shehar se jaane ka,
Toh maano paav yeh aage badhte hi nahi, kisike….
love shayari

2.

Wo aksar suna karti thi,
Tej hawao ki baate
Mastani raahon ki baaho me,
Wo roj samaya karti thi,
Uski chamakti aankhon se
Uska Hosla roj banya hota tha
Par agar usse koi jaan pata toh pata hota ki
Wo hosla har raat uske takiye par toota hai
Wo aksar Akele khud ko dhunda karti thi
Wo aksar barsat me bheega karti thi
Wo yun jhuma karti thi
Wo yun muskuraya karti thi
Wo kisi ki nahi,
Bas khud ki thi…

3.

Log bichadte rahte hai,
Log milte rehte hai,
Kisi ki kami puri nahi hoti,
Har saans ke saath aata hai koi,
Har ashk ke saath roota hau koi,
Koi chala jaata hai bin bataye,
Koi tood jaata hai bin jataye,
Rote rote bhul jaate hai saans lena,
Ki saas lete hi tum yaad aate **,
Aankhe bhar ke dekhne toh deta,
Yun chala gya bin bataye,
Abhi toh yahi tha,
Abhi toh kuch kaha tha,
Aise kaise kya ** gaya,
Aate aate tu kho gaya,
Tu jo gya ,
Tu Le gaya sang tere,
Meri neendein sabhi,
Mere sapne sabhi,
Aankhe jo kholu toh tu nahi,
Aankhe jo bole ki kyu nahi,
Band aankho me chehra tera,
Teri rooh rah gyi saath mere,
Teri yaadein reh gayi paas mere……
4.

Sawan ki Bheegi Raat

Sawan ki bheegi raat me,
Ek ladki hai deewani si,
Jo raat ko bhi deewana sa bana rahi hai,
Barish me wo ghum rahi hai,
Beech sadak ke jhum rahi hai,
Chehre par khushi bikhere,
Aankhon ke samandar ko thehere,
Wo ghum rahi mastani hai,
Wo jhum rahi deewani hai,
Sab kisi ka ashray le rahe,
Sab usse hairani se dekh rahe,
Wo machal-machal jaa rahi hai,
Wo fisal-fisal jaa rahi hai,
Bheegi-Bhaagi iss baarish me,
Akeli si iss raat me,
Wo bikher rahi apni khoobsurati,
Bekhabar har baat se,
Wo bheeg rahi aaram se,
Teer jaisi baarish ,
Raat ka andhera ,
Badalo ka gussa,
Bijli ki thartharahat,
Aur uske chehre ki khushi……

5.

Aankho se mulalat hoti hai,
Ankhe milte hi barsat hoti hai,
Ankhon mein jo kho jaate hai,
toh lamhey lamhey ki mohtaj hoti hai,
Dil ki dhadkan bhi zuban hoti hai,
Kabhi ruk jaati hai,
Toh kabhi badh jaati hai,
Mann bandh jaata hai,
Saanse ruk jaati hai,
Lakire mud jaati hai,
Yun kisi ki aor,
Rooh me jab bas jaati hai,
Toh kayanaat tham jaati hai,
Aahatein uski rooh ko jagati hai,
Rooh jab mil jaati hai,
Toh zindagi ban jaati hai,
Aankho se shuru hoti hai,
Aur rooh par khatam,
Bas itni si kahani hai ishq ki,
Jo aaj kal bas,
kabhi yaadon par toh kabhi saanso par khatam…
6.
Aisa koi humsafar **,
Jiski mujhe na khabbar **,
Shaant aur sheetal kisi nadi ki tarah,
Jiski gehrai ka sirf mujhe pata,
Wo mujhe mujhse bhi jyada jaanta **,
Jo meri aankhon se dil me jhaak paata **,
Jo mera saath kabhi na *****,
Bhale hi duniya apna raasta mode,
Jo Mujhe aur mere faislo ko samjh paaye,
Jo mere andar ke toofan ko thama paaye,
Jo mere jwalamukhi ko shant kara paaye,
Jo mujhe samjhaye aur raah dikha paaye,
Jo mujhe wo pyaar aur izzat de paaye,
Jo aaj tak koi nahi de paya,
Thoda sa mugrur **,
Thoda sa ziddi,
Jiski adaaye dekh kar,
Koi bhi ghayal ** jaaye,
Jo har aurat ka samman karta **,
Par bhav kisi ko na deta **,
Khuda sa ** wo iss zameen par,
Insaniyat jiska roop **,
Jo aaya ** iss dharti par sirf mere liye,
Aur Usse mujhse jyada meri jarurat **,
Ek dusre ke bina adhure ** hum,
Ek dusre ko paakar poore ** hum,
Jab koi mushkil aaye ek duje pe toh,
Ek saath mil kar usse ladd paaye hum,
Kabhi wo kuch sikhe,
Kabhi mai kuch sikhu,
Humare rishte me wo izzat **,
Humare rishte me wo pyaar **,
Humare rishte me wo vishwas **,
Bas yuhi,
Bas issi tarah,
Hum dono ek duje ke saath
Yeh Zindagi bita de
iss dharti par iss baar…
7.
Har koi taras raha hai,
Pyaar ke liye,
Har koi jhulas raha hai,
Ikraar ke liye,
Har koi tadap raha hai,
Khushi ke liye,
Har kisi ki aankhon mein khwab hai kisika,
Har kisi ki ek khwaish hai adhuri,
Har kisi ke paas ek yaad hai uske yaar ki,
Har kisi ke paas baat hai uske pyaar ki,
Jo chahte hai wo milta nahi,
Jo milta hai usse chahte nahi,
Jo paas hai uski kadar nahi,
Jo dur hai uski pehchan nahi,
Khush rahna hai,
Toh khushi baato,
Pyaar chahiye,
Toh pyaar do,
Ikraar karna hai,
Toh ikraar kardo,
Tadapne se,
Tarasne se,
Jhulasne se,
Zindagi befusul lagegi,
Aur faisle galat lagenge,
Aur bhagta hua yeh waqt,
Wapis nahi aane dega,
Toh dil ko kholo,
Aankho ko band karo,
Aur mehsoos karo apni dhadkano ko,
Aur pucho wo kya chahti hai……
8.
Jisse hakikat me mile nahi,
Usse mohabbat hui hai kabhi,
Jiski aankhon mein jhaka nahi,
Uska intezaar kiya hai kabhi,
Jo tumhe janta-pehchanta nahi,
Uske liye duniya sameti hai kabhi,
Jo aadat ** uski,
Wo khwahish bani hai kabhi,
Jo wo har shehar ghumta hai,
Uski needo me shirkat huyi hai kabhi,
Jo wo banjara hai,
Wo awargi mehsoos huyi hai kabhi,
Jo wo chand hai,
Muskurakar uski kalpana ki hai kabhi…
9.
Wo yaar hai mere,
Mujhse jyada khayal karte hai mera,
Mujhe jyada yaad rahta hai unhe,
Ki khana nahi khaya hai maine,
Parwah karte hai par batate nahi,
Sunate rahte hai par jatate nahi,
Gale lag jaate hai kabhi,
Toh gaali sunate hai kabhi,
Mere yeh dost jo itne khaas hai,
Yaar inn me kuch toh baat hai,
Atrangi kirdaar hai saare,
Meri pahchan hai saare,
Ek heroine hai,
Toh ek gusse me ** jaati laal hai,
Ek ko padte hai daure,
Toh ek galiyo ki dukaan hai,
Ek shaitan hai choti,
Toh ek dimple dikhati hai,
Ek ki colgate smile pe fida hai hum,
Toh ek ki samajhdari duniya sikhati hai,
Ek ko aate mood swings,
Toh sambhalna aata hai sabko,
Ek se ** jaaye galati,
Toh saath dena aata hai sabko,
Ek jo ruthe,
Toh manana aata hai sabko,
Ek jo roo de,
Toh hasana aata hai sabko……..
10.
Mere sar par haath rakh kar,
Koi mujhse roj puchta hai sawal ki,
Kya hua hai?
Tu thik toh hai na?
Kuch toh hua hai?
Tu bata nahi rahi hai?
Kya hua hai?
Ab kya batau unko ki kya hua hai,
Mujhe hi nahi pata,
Bas kuch dhund rahi hu,
Kya dhund rahi hu,
Nahi pata,
Bas Khush nahi hu,
Kyu nahi hu,
Nahi pata,
Bas sukoon talaash kar rahi hu,
Kaha talaash rahi hu,
Nahi pata,
Bas bechain hu,
Kyu hu,
Nahi pata,
Saath chahti hu,
Kiska chahti hu,
Nahi pata,
Khamosh si hu,
Kyu hu,
Nahi pata,
Aankhon mein samandar hai,
Kitna gahra hai,
Nahi pata…..
Written by-Priyanka verma

LEAVE A REPLY

Please enter your comment!
Please enter your name here